Plantun de Prouvènço

Pèr coumpara dos planto d'encò nostre

Parapholis filiformis & Campanula rotundifolia subsp. rotundifolia

Parapholis filiformis

Poaceae Graminaceae

Nom en français : Lepture filiforme.

Descripcioun :
Lou leturo-primachòu es uno planto que trachis dins li sablo e pelouso salado (NaCl) raramen liuen de la mar. Au nostre èi coumun soulamen dins noste relarg de "plano de coustiero", majamen en Camargo. S'atrobo uno alo sus la careno di glumo (dos glumo pèr espigueto eici e uno pèr lou gènre Hainardia) que fai uno bando blanco (vèire li fotò à man drecho). Apoundèn que lis antèro fan pu de 1 mm au contro de soun cousin lou leturo-enarca, Parapholis incurva.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 8 à 30 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Parapholis
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 3 à 15 cm
Flourido : Printèms

Sòu : NaCl
Autour basso e auto : 0 à 50 m
Aparado : Noun
Mai à jun

Liò : Sablo - Tepiero salado - Sansouiro
Estànci : Termoumediterran à Mesoumediterran
Couroulougi : Mediterrano-Atlantico
Ref. sc. : Parapholis filiformis (Roth) C.E.Hubb., 1946

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.